पुणे विद्यापीठाचा मोठा निर्णय! २६ जुलैची 'सेट' परीक्षा पुढे ढकलली; 'ही' आहे नवीन संभाव्य तारीख
पुणे विद्यापीठाचा मोठा निर्णय! २६ जुलैची 'सेट' परीक्षा पुढे ढकलली; 'ही' आहे नवीन संभाव्य तारीख | SET Exam Date Extend
पुणे (प्रतिनिधी): महाराष्ट्र व गोवा राज्यातील वरिष्ठ महाविद्यालयांमध्ये सहायक प्राध्यापक (Assistant Professor) पदाच्या पात्रतेसाठी घेतली जाणारी ४१ वी राज्यस्तरीय पात्रता परीक्षा (SET) पुढे ढकलण्यात आली आहे. सावित्रीबाई फुले पुणे विद्यापीठाच्या सेट विभागाने अधिकृत जाहीर प्रकटन प्रसिद्ध करून याविषयी माहिती दिली आहे. २६ जुलै २०२६ रोजी होणारी ही परीक्षा आता ६ सप्टेंबर २०२६ रोजी घेण्याचे संभाव्य नियोजन करण्यात आले आहे.
परीक्षा पुढे ढकलण्याची मुख्य कारणे:
१. MPSC परीक्षांशी होणारी टक्कर: २६ जुलै २०२६ रोजी महाराष्ट्र लोकसेवा आयोगामार्फत (MPSC) सरळसेवा भरतीसाठीच्या विविध विषयांच्या परीक्षांचे आयोजन करण्यात आले आहे. दोन्ही परीक्षा एकाच दिवशी आल्यामुळे उमेदवारांना एका परीक्षेला मुकावे लागले असते. विद्यार्थ्यांचे हे नुकसान टाळण्यासाठी सेट परीक्षा पुढे ढकलण्याची मागणी केली जात होती. २. आषाढी वारी आणि वाहतूक कोंडी: ७ जुलै ते २५ जुलै २०२६ या काळात आषाढी वारी सोहळा पार पडत आहे. वारीच्या सांगतेनंतर २६ जुलै रोजी राज्यभरात मोठ्या प्रमाणावर वाहतुकीची गैरसोय आणि कोंडी होण्याची शक्यता आहे. यामुळे परीक्षांचे नियोजन कोलमडणे आणि विद्यार्थ्यांना केंद्रावर वेळेत पोहोचण्यास अडचणी येण्याची शक्यता लक्षात घेऊन हा निर्णय घेण्यात आला आहे.
१५ दिवसांत अंतिम वेळापत्रक जाहीर होणार
सेट परीक्षेच्या समन्वयकानी दिलेल्या माहितीनुसार, विद्यार्थ्यांचे कोणतेही शैक्षणिक नुकसान होऊ नये आणि कोणीही परीक्षेपासून वंचित राहू नये यासाठी ही परीक्षा आता ६ सप्टेंबर २०२६ रोजी घेण्याचे प्रस्तावित आहे. मात्र, या नवीन तारखेबाबतही काही शैक्षणिक अडचणी किंवा इतर स्पर्धा परीक्षांची कोंडी होत असल्यास, त्याची पडताळणी केली जाईल. त्यानंतर पुढील १५ दिवसांत विस्तृत आणि अंतिम वेळापत्रक अधिकृत संकेतस्थळावर जाहीर करण्यात येईल.
पुणे विद्यापीठाचा मोठा निर्णय! २६ जुलैची 'सेट' परीक्षा पुढे ढकलली; 'ही' आहे नवीन संभाव्य तारीख | SET Exam Date Extend
अधिकृत पत्र तपशील:
जाहीर प्रकटन क्रमांक: OW/2026/G/95
प्रकटन तारीख: ०७ जुलै २०२६
अधिकृत संकेतस्थळ: setexam.unipune.ac.in
शैक्षणिक व शासकीय नोकरभरतीचे अशाच प्रकारचे जलद आणि अचूक अपडेट्स मिळवण्यासाठी mahaenokari.com (महाएनोकरी) ला भेट देत राहा.
आपण आम्हाला भेट दिलीत धन्यवाद आम्ही लवकरच आपल्या कमेन्ट चे उत्तर देऊ तो पर्यंत वाट पहा.